“Bundesligada” 30-njy tapgyrda “Arminia Biefeld” bilen duşuşan “Şalke” topary 1-0 hasabynda ýeňlişe sezewar boldy. Ýer eýelerine ýeňiş getiren ýeke-täk pökgini 50-nji minutda Fabin Klos öz adyna ýazdyrdy. Şunlukda, 30 oýunda diňe 2 gezek ýeňiş gazanyp, 7 sapar hem deňme-deň oýnan “Şalke” 13 utuk bilen möwsümiň tamamlanmagyna 4 tapgyr galanda “Bundesliga” bilen hoşlaşdy. Olar soňkusy gezek 1988-nji ýylda bolup, umumylykda 4-nji gezek (1981, 1983, 1988) “Bundesliga 2”-ä düşdüler. Şonda “Şalke” topary 3 möwsümden soň 1991-nji ýylda ýokary liga dolanypdy we yzly-yzyna 30 möwsümden bäri “Bundesliga” wekilçilik edip gelýärdi. Çempionatyň öňdebaryjy toparlaryndan hasaplanýan “Şalke” klubuna “Bundesligada” çempionlyk gazanmak başartmandy. “Şalke” toparynyň “Bundesligadan” ozal, Germaniýanyň ýokary ligasynda 7 çempionlygy bar. Şeýle-de “Bundesliga” Ruhr” derbisiz galdy. Çempionatyň dartgynly derbileriniň biri bolan “Ruhr” derbisinde “Şalke” regionyň beýleki güýçli kluby “Borussiýa Dortmund” bilen duşuşýardy.
