Futbol boýunça Ukrainanyň çempionatynda Kiýewiň “Dinamosy” möwsümiň tamamlanmagyna 3 tapgyr galanda çempionlygyny yglan etdi. Soňky tapgyrda Ingules toparyndan 5-0 üstün çykan “Dinamo Kiýew” utugyny 58-e çykaryp, 2-nji ýerdäki “Şahtýor” Doneskden 13 utuk öňe saýlandy. Şeýlelikde, 16-njy çempionlygyny baýram eden “Dinamo Kiýew” ezeli bäsdeşi “Şahtýoryň” 4 ýyldan bäri gazanyp gelýän çempionlygyny soňlandyrdy. Ozal Şahtýory” telim gezek çempion eden “Dinamonyň” tälimçisi Mirçea Luçesku karýerasyndaky 35-nji kubogyny asmana göterdi. Golaýda Ukrainanyň Super kubogyny hem eýelän “Dinamo Kiýew” çempionlyk babatda “Şahtýordan” 3 çempionlyk öňde barýar.
