Angliýanyň çempionaty “Premier Ligada” 36-njy tapgyryň ilkinji duşuşygyndan soň çempion belli boldy. Bu duşuşyga çenli çempionlyk umydy bolan “Mançester Ýunaýted” öz meýdançasynda “Lester Sitiden” 2-1 hasabynda asgyn geldi. 10-njy minutda Tomas myhmanlary öňe saýlady. 15-nji minutda Grinwud hasaby deňlese-de, duşuşygyň 66-njy minutynda Çaglar Söýünjü myhmanlara ýeňiş getiren goly derwezä girizdi. Bu ýeňişden garşydaşynyň utuk ýitirerine garaşýan “Mançester Siti” toparyna nobatdaky çempionlygyny gazandyrdy. Şeýlelikde, “Mançester Siti” möwsümiň tamamlanmagyna 3 tapgyr galanda 10 utuk aratapawudy bilen taryhyndaky 7-nji çempionlygyny gazandy. Bu olaryň soňky 4 ýylda 3-nji, “Premier Ligadaky” 5-nji çempionlygy bolup (2012, 2014, 2018, 2019, 2021), olar irki ýyllarda 2 gezek (1937, 1968) çempionlyk kubogyny gazanypdylar.
