UEFA Çempionlar ligasy kubogynyň zenanlaryň arasyndaky ýaryşynyň finalynda “Barselona” bilen “Çelsi” duşuşdy. Şwesiýanyň Gýoteborg şäherinde oýnalan finalda katalonlar 4-0 hasabynda ýeňiş gazandy. Eýýäm 1-nji minutda gol geçirip başlan “Barselona” birinji ýarymda 4 pökgini garşydaşynyň derwezesinden girizdi. Gollary 1-nji minutda öz derwezesinden Leupolz (ýaryşyň iň çalt goly), 14-nji minutda penaltiden Alekşia, 21-nji minutda Bonmati hem-de 36-njy minutda Grem Hansen geçirdi. Şeýlelikde, 4-0 hasabynda ýeňşini baýram eden “Barselona” bu ýaryşdaky ilkinji çempionlygyny gazandy. Katalonly gyzlar 2019-njy ýylda-da finala çykyp, “Liondan” asgyn gelipdi. “Barselona” topary UEFA-nyň Çempionlar ligasy ýaryşynda hem erkekleriň, hem-de zenanlaryň arasynda çempionlyk gazanan ilkinji klub boldy.
“Barselona” Ispaniýanyň gyzlar çempionatynda-da çempionlyk gazanypdy.
