Global ýol howpsuzlygy hepdeligini guramak teklibi ilkinji gezek 2005-nji ýylyň mart aýynda Birleşen Milletler Guramasynyň Ýewropa Ykdysady Komissiýasynyň (UNECE) ýol hereketi howpsuzlygy boýunça işçi topary tarapyndan edildi. Mundan başga-da, 2004-nji ýylyň 7-nji aprelinde Bütindünýä Saglyk Guramasy (BSGG) tarapyndan guralan Bütindünýä Saglyk Gününde başlanan halkara ýol howpsuzlygy çärelerini dowam etdirmek hem teklip edildi. Bu teklipler gysga wagtyň içinde BMG-niň Ýol howpsuzlygy hyzmatdaşlygy tarapyndan goldanyldy.
2005-nji ýylyň 26-njy oktýabrynda Birleşen Milletler Guramasynyň Baş Assambleýasy global ýol howpsuzlygyny ýokarlandyrmak boýunça rezolýusiýasynda global ýol howpsuzlygy hepdeligini guramagy goldaýandygyny resmi taýdan mälim etdi. Şeýlelikde, ilkinji global howpsuzlygy hepdeligini (2007-nji ýylyň 23-29-njy apreli) Birleşen Milletler Guramasynyň Sebit Komissiýasy we Bütindünýä Saglyk Guramasy (BSGG) tarapyndan bilelikde gurnaldy.
Ine şu ýyl hem “Ýollar ýaşaýyş üçin!” şygary astynda 17-23-nji maý aralygynda BMG-niň 6-njy Global Ýol Howpsuzlyk Hepdesi geçirilýär. Bu guralýan çäreler toplumy dünýädäki şäherleriň abadançylygyny saklamaga, ýol hereketiniň düzgünleriniň berjaý edilmegi netijesinde ilatyň saglygyny goramaga, şikesler sebäpli döreýän keselleriň we maýyplygyň öňüni almaga gönükdirilendir.
Begenç AŞYROW,
Türkmenistanyň Daşary işler ministrliginiň Halkara gatnaşyklary institutynyň talyby.
