Argentinaly futbolçy Serhio Aguero “Mançester Sitidäki” soňky duşuşygynda oýna 65-nji minutda girip 2 gol geçirdi we rekord goýdy. Ol toparynyň “Ewertony” 5-0 ýeňen oýnunda 71-nji we 77-nji minutlarynda tapawutlandy. 10 ýyllyk “Mançester Siti” karýerasynda 184 gol geçiren Aguero “Premier Liganyň” çäginde bir toparda iň köp gol geçiren oýunçy boldy. Bu ugurda ozalky rekord 183 gol bilen Weýn Runä degişlidi.
Serhio Kun Agueronyň öňümizdäki möwsümde “Barselona” bilen şertnama baglaşmagyna garaşylýar.
