Halkara ynsanperwer ylymlary we ösüş uniwersitetiniň Žurnalistika kafedrasy tarapyndan Aşgabadyň döredilen gününiň 140 ýyllygy mynasybetli Türkmenistanyň ýokary okuw mekdepleriniň talyp ýaşlarynyň arasynda “Fotožurnalistika” boýunça bäsleşik guraldy. Bäsleşik 25.04.2021-05.05.2021 seneleri arasynda internet platformasynyň üsti bilen suratlary kabul etmek arkaly geçirildi.
Bäsleşigiň netijeleri ýokary okuw mekdebiniň mugallymlaryndan düzülen emin agzalary tarapyndan düzgünnama laýyklykda 10-luk bal ulgamy bilen aşakdaky talaplar esasynda bahalandyryldy:
Suratlaryň çarçuwasyna girýän desgalar
Suratyň çarçuwasyna ýerleşdirilen paýtagtymyzyň ajaýyp binagärlik keşbi
Suratyň tema bilen baglanşygy.
Suratyň reňk sazlaşygy
Suratyň reňk öwüşginleri
Suratyň belli bir garaýşy we manysy
Suratyň düşüriliş tarapy
Netijede, uniwersitetiň iuhd.org@gmail.com elektron bukjasyna gelen suratlaryň ählisi emin agzalaryň gutarnykly netijeleri bilen aşakda ady görkezilen talyplar ýeňiji diylip yglan edildi. Ýeňijilere 25-nji maý güni Halkara ynsanperwer ylymlary we ösüş uniwersitetinde Hormat hatlary gowşuryldy.
I dereje – Žurnalistika hünärinde okaýan talyplar
I orun
Näzli Ýagşymyradowa, Halkara ynsanperwer ylymlary we ösüş uniwersitetiniň Žurnalistika hünäriniň 1-nji ýyl talyby
II ORUN
Toýly Muhammetdurdyýew, Magtymguly adyndaky Türkmen döwlet uniwersitetiniň Türkmen dili we edebiýaty fakultetiniň Žurnalistika hünäriniň 2-nji ýyl talyby
III ORUN
Döwlet Heşdekow, Türkmen döwlet bedenterbiýe we sport institutynyň Sport Žurnalistikasy hünäriniň 1-nji ýyl talyby
II dereje – beýleki hünärlerde okaýan talyplar
I ORUN
Baýnazar Nepesow, Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary hünäriniň 1-nji ýyl talyby
II ORUN
Atajan Kamyljanow, Türkmen döwlet Energetika institutynyň Kompýuter tehnologiýasy fakultetiniň Mikroelektronika we ýarymgeçiriji abzallar hünäriniň 2-nji ýyl talyby
III ORUN
Hurma Çaryýewa, Türkmenistanyň Telekommunikasiýalar we Informatika institutynyň Sanly ykdysadyýet we dolandyryş fakultetiniň Amaly informatika hünäriniň 2-nji ýyl talyby
ŞAPERI GURBANBERDIÝEWA,
Halkara ynsanperwer ylymlary we ösüş uniwersitetiniň Žurnalistika hünäriniň 2-nji ýyl talyby.
