Hollywood-yň asly belgiýaly aktýory Žan-Klod Wan Dammyň nobatdaky filmi 30-njy iýunda dünýäniň iň öňdebaryjy streaming platformasy “Netflix”-de görkeziler. “The Last Mercenary” atly filme Dewid Çarhon režissýorlyk etdi. Filmiň ssenarisini Ismael Saý Sawane tarapyndan ýazylan filmde Wan Damm Rişar Brumer atly gizlin gulluklaryň jansyzynyň keşbini janlandyrar. Filmde oňa Alban Iwanow, Assa Silla, Samir Dekaz hem-de Mişel Kremad dagy hem ýoldaşlyk eder. Hereketli (action) komediýa görnüşli bu filmden öň Wan Damm soňky gezek Amazon streaming kanalynyň serialynda surata düşüpdi. Ozalky söweş sungatynyň ägirdi Wan Damm “The Quest”, “Nowhere To Run”, “Dragon Eyes”, “Until Death”, “Universal Soldier” ýaly filmler bilen tutuş dünýäde uly meşhurlyga eýedir.
