Amerikaly ýeňil atletikaçy Raýan Krauzer gülle iteklemek boýunça dünýä rekordyny goýdy. Ol Eujen şäherinde geçirilen ABŞ-nyň Tokio 2020 tomusky Olimpiýa oýunlarynyň saýlama tapgyrynda gülläni 23 metr 37 santimetre oklap, 31 ýyllyk rekordy täzeledi. Bu ugurda ozalky rekord amerikaly Rendi Barnese degişli bolup, ol 1990-njy ýylyň 20-nji maýynda Los Anjelesde 23,12 metrlik görkeziji bilen çykyş edipdi. Olimpiýa hem-de Dünýä çempiony 28 ýaşyndaky Krauzeriň Olimpiýa oýunlarynda ýene bir ýola altyn medal almagyna garaşylýar.
