Şu ýy­lyň 4-nji no­ýab­ryn­da dün­ýä döw­let­le­ri­niň ýa­kyn­dan gol­daw ber­me­gi­niň ne­ti­je­sin­de, ýe­ne-de bir iri hal­ka­ra yla­la­şy­gy güý­je gir­di. 2015-nji ýy­lyň de­kabr aýyn­da Bir­le­şen Mil­let­ler Gu­ra­ma­sy­nyň ho­wan­dar­ly­gyn­da ho­wa­nyň üýt­ge­me­gi­ne gar­şy äh­lu­mu­my de­re­je­de gö­reş alyp bar­mak mak­sa­dy bi­len Fran­si­ýa­nyň paý­tag­ty Pa­riž şä­he­rin­de ge­çi­ri­len hal­ka­ra mas­la­ha­tyň çäk­le­rin­de ka­bul edi­len Pa­riž yla­la­şy­gy dur­mu­şa ge­çi­ri­lip baş­lan­dy.

Bu şat­lyk­ly ha­ba­ry hal­ka­ra äh­mi­ýet­li yla­la­şy­gyň dün­ýä ýurt­la­ry ta­ra­pyn­dan tas­syk­lan­ma­gy ba­bat­da ir­gin­siz ala­da eden BMG-niň Baş sek­re­ta­ry Pan Gi Mun ber­di. Ol şat­lyk­ly ha­ba­ry ber­mek bi­len dün­ýä döw­let­le­ri­ni, hu­su­sy pu­da­gyň hem-de ra­ýat jem­gy­ýet­çi­li­gi­niň we­kil­le­ri­ni bu yla­la­şyk­dan ge­lip çyk­ýan we­zi­pe­le­ri ýe­ri­ne ýe­tir­mek we ho­wa goý­be­ril­ýän zy­ýan­ly gaz­la­ryň möç­be­ri­ni azalt­mak ba­bat­da ta­gal­la et­mä­ge ça­gyr­dy. Şeý­le hem ol ösüp bar­ýan ýurt­la­ra ho­wa­nyň üýt­ge­me­gi­ne gar­şy gö­reş­de kö­mek ber­mek baş­lan­gy­jy bi­len çy­kyş et­di.
– Bu gün­ki gün adam­za­dyň ho­wa­nyň üýt­ge­me­gi­ne gar­şy bar­ly­şyk­syz gö­reş alyp bar­ýan se­ne­si hök­mün­de ta­ry­ha gi­rer. Örän şat­lyk­ly wa­ka bo­lup geç­di – Pa­riž yla­la­şy­gy güý­je gir­di. Onuň gys­ga wag­tyň için­de dün­ýä döw­let­le­ri ta­ra­pyn­dan gyz­gyn gol­da­wa eýe bol­ma­gy uly wa­ka­dyr – di­ýip, Pan Gi Mun mä­lim et­di.
Mun­dan baş­ga-da ol he­niz yla­la­şy­gy tas­syk­la­ma­dyk ýurt­la­ry hem oňa do­ly go­şu­lyş­ma­ga ça­gyr­dy. Onuň aýt­ma­gy­na gö­rä, şu ýy­lyň 7-nji no­ýab­ryn­da Ma­rok­ko­nyň Mar­ra­keş şä­he­rin­de BMG-niň ho­wa­nyň üýt­ge­me­gi bo­ýun­ça çar­çu­wa­ly Kon­wen­si­ýa­sy­na gat­na­şy­jy ýurt­la­ryň 22-nji mas­la­ha­ty ge­çi­ril­di. Pa­riž yla­la­şy­gy şol Kon­wen­si­ýa­nyň 21-nji mas­la­ha­tyn­da ka­bul edi­lip­di. Ol az ug­le­rod­ly hem-de eko­lo­gi­ýa taý­dan dur­nuk­ly gel­je­gi dö­ret­mä­ge gö­nük­di­ri­len­dir. Onuň çäk­le­rin­de ho­wa­nyň äh­lu­mu­my gyz­gyn­ly­gy­ny 1,5 de­re­je­de sak­la­mak göz öňün­de tu­tul­ýar.
Pan Gi Mu­nuň bel­le­me­gi­ne gö­rä, yla­la­şy­gyň güý­je gi­ren hep­de­sin­de oňa Gü­nor­ta Af­ri­ka, In­do­ne­zi­ýa, Sa­ud Ara­bys­ta­ny Pa­ty­şa­ly­gy, Ko­re­ýa Res­pub­li­ka­sy, Ga­bon we Wýet­nam ýa­ly döw­let­ler hem go­şul­dy. Hä­zir­ki wagt­da 100-e go­laý döw­let Pa­riž yla­la­şy­gy­nyň gat­na­şy­jy ýurt­la­ry­dyr. Ho­wa goý­be­ril­ýän zy­ýan­ly gaz­la­ryň 70 gö­te­ri­mi­ne go­la­ýy şol döw­let­le­riň pa­ýy­na düş­ýär.

Gyzykly bolup bilerЕЩЕ ОТ АВТОРА