Berkarar döwletimiziň bagtyýarlyk döwründe, döwrüň öňümizde goýýan täze wezipelerini üstünlikli amala aşyrmaga, Bitarap döwletimiziň Garaşsyzlygynyň 30 ýyllyk şanly baýramyny uly üstünliklere beslemäge Medeniýet ulgamynyň işgärleri işjeň gatnaşyp, Milli teleradioýaýlymlaryň we ýurdumyzyň çäginde hereket edýän döredijilik toparlarynyň gatnaşmagynda Garaşsyzlygymyzyň 30 ýyllygy mynasybetli Garaşsyz döwletimiziň ýeten belent sepgitlerini wasp edýän filmleri döretmek, zehinli kinorežissýorlary, dramaturglary, operatorlary ýüze çykarmak maksady bilen, Türkmenistanyň Telewideniýe, radiogepleşikler we kinematografiýa baradaky döwlet komitetiniň Oguz han adyndaky “Türkmenfilm” birleşigi tarapyndan “Meniň Watanym” atly çeper-publisistik we hronikal-dokumental filmleriň kinofestiwaly geçirilýär.
Garaşsyzlyk ýyllarynda ýetilen sepgitleri, gazanylan üstünlikleri beýan edýän filmleri, “Meniň Watanym” atly kinofestiwalynyň Guramaçylyk komiteti 2021-nji ýylyň 1-nji sentýabryna çenli kabul eder. Kinofestiwala hödürlenen filmler ýörite düzülen Eminler topary tarapyndan seljerilip, 2021-nji ýylyň 12-nji sentýabrynda ýeňijiler şu aşakdaky ugurlar boýunça kesgitleniler:
Baş baýrak
Eminler toparynyň baýragy
Iň gowy kinorežissýor
Iň gowy filmiň edebi esasy
Iň gowy kinooperatoryň işi
Iň gowy film sepleýjisi
Iň gowy film kompozitory
Iň gowy film suratkeşi.
“Meniň Watanym” atly kinofestiwalyna gatnaşmaga howlygyň!
Habarlaşmak üçin: Oguz han adyndaky “Türkmenfilm” birleşiginiň
49-37-02, 49-37-03, 49-37-28 telefon belgilerine ýüz tutup bilersiňiz.
