Iňlis dizaýneri Tomas Hezerwik hytaý awtoulag öndürijisi “IM Motors” bilen bilelikde sürüp barýarka howanyň arassalaýan elektrik ulagyny öndürdi. Şoňa laýyklykda ulagyň öňündäki aýnasynda howadaky bölejik maddalary ýygnaýan süzgüji bar. Ulagyň dizaýny iç tarapynda ýerleşýän, düşege öwrülip bilýän dört sany oturgyçly ýaşaýyş otagyna meňzeýär. Mundan başga-da, ruly ýygnalyp, sürülmeýän wagty salonyň giňelmegine mümkinçilik berýär. BBC teleýaýlymynyň habaryna görä, “Airo” atly ulagyň 2023-nji ýyla çenli Hytaýda önümçilige başlamagyna garaşylýar.
