Pakistanly 19 ýaşly Şehroze Kaşif dünýäniň iň beýik ikinji dagy bolan K2-ä dyrmaşdy. Şeýlelikde Kaşif bu dagyň iň beýik gerşine çykan iň ýaş adam boldy. Kaşifiň kakasy Kaşif Süleýman oglunyň 14-nji iýulda K2 dagynyň esasy lagerine baryp ýetendigini we 27-nji iýulda irden beýikligi 8 müň 611 metr bolan iň beýik nokada çykandygyny aýtdy.
Kaşif şu ýylyň 11-nji maýynda dünýäniň iň beýik nokady bolan Ewereste çykypdy. Şeýlelikde Kaşif Ewereste çykan 6-njy hem-de iň ýaş pakistanly bolupdy. 11 ýaşyndan bäri daga dyrmaşmak bilen meşgullanýan Kaşif häzire çenli beýikligi 3 müň metrden 8 müň metre ýetýän birnäçe daga çykdy.
