Hünärmenler tebigata taşlanan zibilleri arassalamak üçin robot-süpürijini işläp taýýarladylar. Bu robotyň esasy maksady ekosistemany bozmazdan plastmassalary ýygnamakdyr. Floridanyň kenarlarynda robot BEBI-niň synagy dowam edýär. Uzakdan dolandyrylýan enjam 300 metre çenli aralykda hereket edýär. Güýjüni batareýadan alýan bu robotyň zarýady Gün şöhlesi arkaly doldurylýar. Bir sagada müňlerçe zibili arassalaýan robotyň synaglary şowly tamamlansa, ulanyşa goýberiljekdigi aýdylýar.
