Angliýanyň çempionatynyň 3-nji tapgyrynda Mançester Ýunaýted myhmançylykda Wulwerhempton toparyndan 1-0 üstün çykdy. Mankunianlara ýeňiş getiren ýeke-täk goly 80-nji minutda Meýson Grinwud derwezä girizdi. Şeýlelikde, Mançester Ýunaýted myhmançylykda yzly-yzyna 28 oýundan bäri ýeňilmän gelýär we bu görkeziji rekorda deňdir. Galyberse-de, Ole Gunnar Sulşer Ýunaýtediň tälimçisi hökmünde çempionatdaky 100-nji duşuşygy geçirdi. Tälimçi Sulşer täze transferler Rafael Waran bilen Jeýdon Sançony esasy düzümde meýdança çykardy. 12 ýyldan soň, Mançester Ýunaýtede dolanan Kristiano Ronaldo bolsa toparyň düzümine alynmady.
