Angliýanyň çempionatynda Demirgazyk Londonyň bir topary sanawyň başyny çekýän bolsa, beýleki bir topary iň aşaky ornunda barýar. 3 oýunda 3 gol bilen 9 utuk toplan Tottenham birinji ýeri eýeleýär. 3 oýunda 9 gol geçirdip, ýeke gol hem geçirip bilmedik Arsenal soňky orunda barýar. Premier liganyň taryhynda ilkinji gezek Tottenham lider, Arsenal iň soňky orunda. Brentford we Çelsiden 2-0 asgyn gelen Arsenal 3-nji tapgyrda myhmançylykda Mançester Sitiden 5-0 utuldy. Norwiçden soň Arsenaly-da 5-0 ýeňen Mançester Sitiniň gollaryny Gündogan, Ferran Torres (2), Žesus, Rodri derwezä girizdi.
35-nji minutda bir oýunçysy (Grant Džaka) gyzyl kart alan Arsenal 1954/55 möwsüminden bäri, ýagny soňky 67 ýylda ilkinji 3 duşuşykda ýeňiş gazanyp bilmedi. Topar soňky gezek 1953/54 möwsüminde ilkinji üç oýunda gol geçirip bilmändi.
Tälimçi Mikel Artetanyň haçana çenli wezipesini dowam etdirjekdigi nämälim bolup, wezipeden giden ýagdaýynda ornuna Antonio Konteniň bellenmegine garaşylýar.
