Ber­li­niň so­si­al bar­lag­lar we sta­tis­tik sel­je­riş eda­ra­sy «For­sa»-nyň hü­när­men­le­ri­niň bel­le­me­gi­ne gö­rä, pi­kir so­ra­ly­şy­ga gat­na­şan­la­ryň 36 gö­te­rim­den gow­ra­gy Olaf Şol­sy teleçe­ke­le­şi­giň ýe­ňi­ji­si ha­sap­la­dy.

Ger­ma­ni­ýa­nyň So­si­al-de­mok­ra­tik par­ti­ýa­sy ta­ra­pyn­dan Kans­ler­li­ge da­laş­gär Ger­ma­ni­ýa Fe­de­ra­tiw Res­pub­li­ka­sy­nyň Ma­li­ýe mi­nist­ri wi­se-prem­ýer Olaf Şols hö­kü­met baş­tu­ta­ny we­zi­pe­si­ne da­laş­gär­le­riň il­kin­ji te­leçe­kiş­me­sin­de öň­de­li­gi eýe­le­di. Mu­ny «For­sa» sel­je­riş eda­ra­sy ta­ra­pyn­dan ge­çi­ri­len pi­kir so­ra­ly­şy­gyň ne­ti­je­le­ri su­but ed­ýär.
Bar­la­gyň ne­ti­je­le­ri­ne gö­rä, pi­kir so­ra­ly­şy­ga gat­na­şan­la­ryň 36 gö­te­ri­mi Olaf Şol­sy RTL we «N-tv» te­le­ýaý­lym­la­ryn­da ge­çi­ri­len de­ba­tyň ýe­ňi­ji­si ha­sap­la­dy. 30 gö­te­ri­mi «ýa­şyl­la­ryň» da­laş­gä­ri An­na­le­ne Ber­bo­ka, 25 gö­te­ri­mi Hris­ti­an De­mok­ra­tik we Hris­ti­an So­si­al Bi­le­le­şik­le­ri­niň (HDB-HSB) kon­ser­wa­tiw blo­gy­nyň da­laş­gä­ri Ar­min La­şe­te ses ber­di. Pi­kir so­ra­ly­şy­ga 2,5 müň adam gat­naş­dy. Gö­ni ýaý­lym­da gu­ra­lan il­kin­ji te­le­de­bat­da Kans­ler­li­ge da­laş­gär­ler asu­da­ly­gy sak­la­ma­ga ta­gal­la et­se­ler-de ola­ryň ara­syn­da da­şa­ry we içer­ki sy­ýa­sat me­se­le­le­ri bo­ýun­ça düýp­li ta­pa­wut­la­ryň bar­dy­gy bel­li bol­dy. Şols, Ber­bok we Laş­e­tiň gat­naş­ma­gyn­da in­di­ki te­le­de­bat 12-nji we 19-njy sent­ýabr­da ge­çi­ri­ler.
Ger­ma­ni­ýa­nyň «Bild am Sonn­tag» ga­ze­ti­niň tä­ze­lik­de ge­çi­ren pi­kir so­ra­ly­şy­gyn­da bol­sa, Ger­ma­ni­ýa­nyň So­si­al-de­mok­ra­tik par­ti­ýa­sy­nyň HDB-HSB kon­ser­wa­tiw bi­le­le­şi­gin­den üç gö­te­rim öň­de bar­ýan­dy­gy bel­li bo­ldy. Saý­law­çy­la­ryň 24 gö­te­ri­mi Olaf Şol­syň par­ti­ýa­sy­na ses ber­mä­ge taý­ýar. Bu ösüş so­si­al de­mok­rat­la­ryň 2017-nji ýy­lyň sent­ýabr aýyn­dan bä­ri iň ýo­ka­ry gör­ke­zi­ji­si­dir. HDB-HSB-niň görkezijisi­niň bol­sa 21 gö­te­ri­me deň bo­lan­dy­gy bel­le­nil­ýär. Bu pi­kir so­ra­ly­şy­ga gat­na­şan­la­ryň 17 gö­te­ri­mi­niň «ýa­şyl­la­ra», 13 gö­te­ri­mi­niň Er­kin De­mok­ra­tik par­ti­ýa­sy­na, 11 gö­te­ri­mi­niň Ger­ma­ni­ýa üçin sag­çy po­pu­list al­ter­na­ti­wa­sy­na, 6 gö­te­ri­mi­niň hem çep­çi par­ti­ýa­sy­na ses ber­mä­ge taý­ýar­dy­gy anyk­la­ndy.
26-njy sent­ýabr­da Ger­ma­ni­ýa­da Par­la­ment saý­law­la­ry ge­çi­ri­ler. Ýe­ňi­ji par­ti­ýa­nyň hö­kü­met gur­ma­ga hu­ku­gy bo­lar we par­ti­ýa­lar sa­na­wy­nyň li­de­ri Mi­nistr­ler Ka­bi­ne­ti­niň dö­re­dil­me­gi­ne ýol­baş­çy­lyk eder. An­ge­le Mer­kel Kans­ler we­zi­pe­si­ne tä­ze möh­let­den ýüz öw­ren­den soň, şu ýy­lyň 16-njy ýan­wa­ryn­da Ar­min La­şet HDB-niň tä­ze li­de­ri bol­dy.

Gyzykly bolup bilerЕЩЕ ОТ АВТОРА