1-nji sentýabrda ýurdumyzyň ähli bilim ojaklarynda täze okuw ýylynyň başlanmagy hem-de güýz paslynyň ilkinji gününde bellenilýän Bilimler we talyp ýaşlar güni mynasybetli baýramçylyk dabaralary geçirildi. Täze – 2021-2022-nji okuw ýyly mynasybetli ýurdumyzyň welaýatlarynda bilim binalarynyň açylyp, ulanylmaga berilmegi ilkinji jaň dabaralarynyň şatlygyny artdyrdy. Bu desgalaryň gurluşygy ýurdumyzyň telekeçileri tarapyndan amala aşyryldy.

Ir sä­her bi­len ýur­du­my­zyň ýo­ka­ry, ýö­ri­te or­ta hü­när we or­ta mek­dep­le­riň gu­ja­gy­na do­lan ta­lyp­lar­dyr okuw­çy­lar il­kin­ji jaň da­ba­ra­sy­na şat­lyk bi­len gat­naş­dy­lar. Bu da­ba­ra­lar ak mek­dep­le­riň ga­py­la­ryn­dan il­kin­ji ädim­le­ri­ni äd­ýän kör­pe­ler üçin ýat­dan çyk­ma­jak pur­sat­la­ra baý bol­dy.
Ýyg­na­nan­lar hor­mat­ly Pre­zi­den­ti­miz Gurbanguly Berdimuhamedowyň Ga­raş­syz, he­mi­şe­lik Bi­ta­rap Türk­me­nis­ta­nyň mek­dep okuw­çy­la­ry­na, ta­lyp ýaş­la­ry­na, mu­gal­lym­la­ry­na we bi­lim iş­gär­le­ri­ne ibe­ren Gut­la­gy­ny uly ru­hu­be­lent­lik bi­len diň­le­di­ler. Mil­li Li­derimiz öz Gut­la­gyn­da giň­den bel­le­nil­ýän baý­ram­çy­lyk hem-de 2021-2022-nji tä­ze okuw ýy­ly­nyň baş­lan­ma­gy my­na­sy­bet­li hem­me­le­ri tüýs ýü­rek­den gut­la­dy.
Baý­ram­çy­lyk my­na­sy­bet­li ge­çi­ri­len da­ba­ra­lar­da çy­kyş eden­ler ýur­du­my­zyň ylym-bi­lim ul­ga­myn­da giň ge­rim­li öz­gert­me­le­ri ama­la aşyr­ýan mil­li Li­de­ri­mi­ze al­kyş aý­dyp, bag­ty­ýar ýaş nes­li, ola­ra bi­lim, ter­bi­ýe ber­ýän mu­gal­lym­la­ry, ata-ene­le­ri mä­hir­li gut­la­dy­lar. Ze­hin­li ýaş­la­ryň, sun­gat us­sat­la­ry­nyň ýe­ri­ne ýe­ti­ren aý­dym-saz­la­ry bu da­ba­ra­la­ra aý­ra­tyn ýa­kym çaý­dy.
Bi­lim mi­nistr­li­gi ta­ra­pyn­dan taý­ýar­la­ny­lan gö­zük­dir­mä la­ýyk­lyk­da, baý­ram­çy­lyk da­ba­ra­la­ry­na taý­ýar­lyk gö­rül­ýän gün­ler­de äh­li bi­lim ojak­la­ryn­da öňü­ni alyş we zy­ýan­syz­lan­dy­ryş çä­re­le­ri­niň ge­çi­ri­len­di­gi­ni bel­le­mek ge­rek. Şu­nuň bi­len bag­ly­lyk­da, äh­li bi­lim eda­ra­la­ryn­da aras­sa­çy­lyk no­kat­la­ry dö­re­di­lip, olar zy­ýan­syz­lan­dy­ryş se­riş­de­le­ri bi­len üp­jün edil­di.
1-nji syn­pa ge­len kör­pe­le­re hor­mat­ly Prezidentimiziň adyn­dan sow­gat hök­mün­de «Bi­lim­li» komp­ýu­ter­le­ri gow­şu­ryl­dy. Mu­nuň özi bi­lim­ler dün­ýä­si­ne ga­dam bas­ýan kör­pe okuw­çy­la­ryň şat­ly­gy­ny has-da art­dyr­dy.
Tä­ze okuw ýy­ly­nyň baş­lan­ma­gy my­na­sy­bet­li äh­li bi­lim ojak­la­ryn­da tä­ze okuw ýy­ly­nyň il­kin­ji sa­pa­gy gu­ra­lyp, ol aý­ra­tyn ma­ny-maz­mu­na eýe bol­dy.
Tä­ze okuw ýy­ly­nyň il­kin­ji sa­pa­gy «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ady bi­len ge­çi­ril­di. On­da tej­ri­be­li bi­lim iş­gär­le­ri Gah­ry­man Ar­ka­da­gy­my­zyň ta­gal­la­sy bi­len dur­mu­şa ge­çi­ril­ýän ylym-bi­lim öz­gert­me­le­ri­niň ne­ti­je­le­ri ha­kyn­da tä­sir­li gür­rüň et­di­ler.
Eziz Di­ýa­ry­my­zyň oba­la­ryn­da we şä­her­le­rin­de hä­zir­ki za­man mek­dep­le­ri­niň hem-de mek­de­be çen­li ça­ga­lar eda­ra­la­ry­nyň gu­rul­ýan­dy­gy, şo­la­ryň iň döw­re­bap komp­ýu­ter­ler, beý­le­ki ze­rur en­jam­lar we okuw gol­lan­ma­la­ry bi­len üp­jün edil­ýän­di­gi, okuw iş­le­ri­ne yl­myň öň­de­ba­ry­jy ga­za­nan­la­ry­nyň, in­te­rak­tiw-mul­ti­me­dia hem-de san­ly teh­no­lo­gi­ýa­la­ryň or­naş­dy­ryl­ýan­dy­gy aý­ra­tyn bel­len­mä­ge my­na­syp­dyr. Bu ul­gam üçin ýo­ka­ry de­re­je­li iş­gär­le­riň taý­ýar­lan­ma­gy­na, mu­gal­lym­la­ryň hü­när de­re­je­si­niň ýo­kar­lan­dy­ryl­ma­gy­na aý­ra­tyn üns be­ril­ýär.
Şol gün Ahal we­la­ýa­ty­nyň Gök­de­pe et­ra­by­nyň Ba­ba­rap oba­syn­da gur­lan ýö­ri­te­leş­di­ri­len 42-nji or­ta mek­dep da­ba­ra­ly ýag­daý­da açy­lyp ula­nyl­ma­ga be­ril­di. Bu mek­de­be Türk­me­nis­ta­nyň Mil­li Ge­ňe­şi­niň Mej­li­si­niň ka­ra­ry bi­len, An­nak Sä­het­my­ra­do­wyň ady da­kyl­dy. Şeý­le hem Änew şä­he­rin­de 720 orun­lyk, Ak bug­daý et­ra­byn­da 960 orun­lyk, Te­jen et­ra­by­nyň Ba­ba­daý­han ge­ňeş­li­gin­de 640 orun­lyk, Ba­ba­daý­han et­ra­byn­da 960 orun­lyk tä­ze, döw­re­bap umu­my­bi­lim ber­ýän mek­dep­le­riň ýe­ne-de dör­dü­si açyl­dy.
Bi­lim­ler we ta­lyp ýaş­lar gü­nün­de Sa­ýat et­ra­by­nyň Çow­dur we Le­ba­by ge­ňeş­lik­le­rin­de her bi­ri 600 okuw­ça ni­ýet­le­nip gur­lan döw­re­bap mek­dep­le­riň 2-si Le­bap we­la­ýa­ty­nyň umu­my­bi­lim ber­ýän eda­ra­la­ry­nyň üs­tü­ni ýe­tir­di.

Gyzykly bolup bilerЕЩЕ ОТ АВТОРА