Tomusky transfer möwsümi bir hepde öň tamamlandy. Üç aýlyk döwürde müňlerçe futbolçy klubuny üýtgetdi. Olaryň köpüsi kärendesine şertnama baglaşan bolsa, käbirlerini klublar hiç hili töleg tölemezden düzümine goşdy. Käbirleri üçin klublar dünýäniň puluny tölemeli boldy. Ine, şol köp tölenenleriň sanawynda birinji orny Jek Griliş eýeleýär. Mançester Siti hüjüme golaý ýarymgoragçyny transfer etmek üçin 117,5 million ýewro töledi. Tomsuň iň gymmat 2-nji transferi-de Romelu Lukaku bolup, Çelsi öňki oýunçysyny Interden yzyna almak üçin 115 million ýewrolyk çykdajy etmeli boldy. Üçünji ýerde-de iňlis klublarynyň transfer eden oýunçysy bolup, Mançester Ýunaýted Borussiýa Dortmunddan Jeýdon Sançony 85 million ýewro berip, düzümine goşdy.

Messi, Donarruma, Weýnaldum, Ramos ýaly ýyldyzlary bir dollar hem tölemän düzümine goşan PSŽ-niň 60 million ýewrolyk transferi Aşraf Hakimi sanawda 4-nji ýerde barýar. Goragçylar – Braýtondan Arsenala 58,5 million ýewro geçen Ben Waýt, Leipsigden Bawariýa 42,5 million ýewro geçen Daýo Upamekano, Realdan Ýunaýtede 40 million ýewro geçen Rafael Waran, ýene-de şol mukdardaky pula Leipsigden Liwerpula gelen Ibraima Konate degişlilikde, 5-6-7-8-nji ýerleri eýeleýärler.

Tomsuň iň gymmat 20 transferi

  1. Jek Griliş – Aston Willadan Mançester Sitä – 117,5 million ýewro
  2. Romelu Lukaku – Interden Çelsä – 115 million ýewro
  3. Jeýdon Sanço – Borussiýa Dortmunddan Mançester Ýunaýtede – 85 million ýewro
  4. Aşraf Hakimi – Interden PSŽ-e – 60 million ýewro
  5. Ben Waýt – Braýtondan Arsenala – 58,5 million ýewro
  6. Daýo Upamekano – Leipsigden Bawariýa – 42,5 million ýewro
  7. Rafael Waran – Real Madridden Mançester Ýunaýtede – 40 million ýewro
  8. Ibraima Konate – Leipsigden Liwerpula – 40 million ýewro
  9. Temmi Abraham – Çelsiden Roma – 40 million ýewro
  10. Emiliano Buendia – Norwiçden Aston Willa – 38,4 million ýewro
  11. Denni Ingz – Southemptondan Aston Willa – 35,2 million ýewro
  12. Martin Edegor – Real Madridden Arsenala – 35 million ýewro
  13. Rodrigo de Paul – Udinezeden Atletiko Madride – 35 million ýewro
  14. Kurt Zuma – Çelsiden West Hama – 35 million ýewro
  15. Leon Beýli – Baýerden Aston Willa – 32 million ýewro
  16. Eduaro Kamawinga – Rennden Real Madride – 31 million ýewro
  17. Petson Daka – RB Salsburgdan Lester Sitä – 30 million ýewro
  18. Doniell Malen – PSW-den Borussiýa Dortmunda – 30 million ýewro
  19. Mateus Kunýa – Herta Berlinden Atletiko Madride – 30 million ýewro
  20. Nikola Wlaşiç – SSKA-dan West Hama – 30 million ýewro

Gyzykly bolup bilerЕЩЕ ОТ АВТОРА