Hä­zir­ki wagt­da ýur­du­my­zyň oba ho­ja­ly­gyn­da iň bir gyz­ga­laň­ly möw­süm do­wam ed­ýär. Bir ta­rap­dan mer­da­na gal­la­çy­lar tä­ze ýy­lyň ha­sy­ly­nyň düý­bü­ni tut­ýan bol­sa, beý­le­ki ta­rap­dan eder­men pag­ta­çy­lar ös­dü­rip ýe­tiş­di­ri­len «ak al­ty­ny» ýit­gi­siz ýyg­nap al­mak üçin doly taý­ýar­lyk görüldi.
Hor­mat­ly Pre­zi­den­ti­miz ta­ra­pyn­dan al­nyp ba­ryl­ýan döw­let sy­ýa­sa­ty­nyň esa­sy we­zi­pe­si oba ho­ja­lyk önüm­le­ri­niň ön­dü­ri­li­şi­ni art­dyr­ma­ga, ýur­du­my­zyň yk­dy­sa­dy kuw­wa­ty­ny pug­ta­lan­dyr­ma­ga, hal­ky­my­zyň ýa­şa­ýyş-dur­muş şert­le­ri­ni has-da ýo­kar­lan­dyr­ma­ga gö­nük­di­ri­len­dir. Ber­ka­rar döw­le­ti­mi­ziň bag­ty­ýar­lyk döw­rün­de ýur­du­my­zyň oba ho­ja­lyk pu­da­gy­ny öz­gert­mek, ös­dür­mek, ön­dü­ril­ýän oba ho­ja­lyk önüm­le­ri­niň bol­çu­ly­gy­ny dö­re­dip, da­şa­ry ýurt­lar­dan ge­ti­ril­ýän önüm­le­riň möç­be­ri­ni azalt­mak, eziz Di­ýa­ry­myz­da azyk bol­çu­ly­gy­ny üp­jün et­mek, oba zäh­met­keş­le­ri­niň ýa­şa­ýyş-dur­muş şert­le­ri­ni yzy­gi­der­li go­wu­lan­dyr­mak bo­ýun­ça giň ge­rim­li iş­ler dur­mu­şa ge­çi­ril­ýär.
Şo­nuň ne­ti­je­sin­de, her ýyl ýur­du­my­zyň eder­men oba zäh­met­keş­le­ri gal­la­nyň hem-de pag­ta­nyň bol ha­sy­ly­ny ös­dü­rip ýe­tiş­dir­ýär­ler.
Mil­li Li­de­ri­mi­ziň bel­läp ge­çi­şi ýa­ly, ata-ba­ba­la­ry­myz: «Bi­riň müň bol­sun!» di­ýen ýag­şy ni­ýet bi­len top­ra­ga bug­daý se­pip­dir­ler. Bug­daý ora­gy­na hem go­ja­la­ryň ak pa­ta ber­me­gi esa­syn­da sä­het­li gün gi­ri­şip­dir­ler. «Çä­ji­ňe be­re­ket!», «Har­ma­ny­ňa be­re­ket!» di­ýip, rys­gal-be­re­ket ar­zuw edip­dir­ler. Çö­rek – gud­rat­ly önüm. Hal­ky­myz bug­da­ýy ekin­le­riň sol­ta­ny sa­ýyp, çö­re­gi hor­mat­lap, maň­la­ýy­na syl­ma­gy, onuň owun­ty­gy­ny hem ýe­re ga­çyr­maz­ly­gy, tam­dy­ry mu­kad­des gör­me­gi ada­ta öw­rüp­dir.
Şo­nuň üçin gal­la önüm­çi­li­gi bi­ziň ata-ba­ba­la­ry­myz­dan ga­lan mi­ras­dyr. Gal­la­ny ön­dür­mek ba­bat­da ýur­du­myz­da döw­let ta­ra­pyn­dan äh­li şert­ler dö­re­dil­ýär.
Ata Wa­ta­ny­my­zyň mil­li baý­lyk­la­ry­nyň bi­ri hem pag­ta­dyr. Pag­ta­çy­lyk da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­riň ön­dü­ril­ýän muk­da­ry­ny art­dyr­mak, eks­port kuw­wa­ty­ny pug­ta­lan­dyr­mak bo­ýun­ça döw­let mak­sat­na­ma­la­ry­nyň ama­la aşy­ryl­ma­gy­ny üp­jün ed­ýän ýur­du­my­zyň oba­se­na­gat top­lu­my­nyň esa­sy pu­dak­la­ry­nyň bi­ri­dir.
Hor­mat­ly Pre­zi­den­ti­mi­ziň ta­lyp ýaş­lar bi­len ge­çi­ren umu­my okuw sa­pa­gyn­da bel­läp ge­çi­şi ýa­ly, go­wa­ça bi­ziň üçin örän äh­mi­ýet­li ekin­le­riň bi­ri­dir. Eziz Wa­ta­ny­myz dün­ýä­de go­wa­ça­nyň iň ga­dy­my me­kan­la­ry­nyň bi­ri hök­mün­de ta­nal­ýar. Mah­myt Ga­ýy­by­nyň «Otuz iki to­hum kys­sa­sy» ese­rin­de pag­ta päk­li­giň, ak­ýü­rek­li­li­giň, go­wu­ly­gyň ala­ma­ty hök­mün­de äh­li ekin­ler­den ýo­kar­da go­ýul­ýar.
Türk­men pag­ta­çy­la­ry­nyň we gal­la­çy­la­ry­nyň ga­zan­ýan üs­tün­lik­le­ri mil­li Li­de­ri­mi­ziň oba­se­na­gat top­lu­my­nyň hem­me­ta­rap­la­ýyn ösü­şi­ne, oba ho­ja­lyk önüm­le­ri­ni ön­dü­ri­ji­le­re yzy­gi­der­li gol­daw be­ril­me­gi­ne gö­nük­di­ri­len öň­den­gö­rü­ji­lik­li sy­ýa­sa­ty­nyň aý­dyň ne­ti­je­si­dir.
Eke­ran­çy­lyk meý­dan­la­ry­nyň su­wa­ryş ul­ga­my­nyň kä­mil­leş­di­ril­me­gi­ne, to­hum­çy­ly­gyň we bu ug­ra de­giş­li yl­my bar­lag­la­ryň ös­dü­ril­me­gi­ne köp muk­dar­da ma­li­ýe se­riş­de­le­ri goý­be­ril­ýär. Pag­ta­ny gaý­ta­dan iş­le­ýän se­na­gat döw­re­bap­laş­dy­ry­lyp, se­bit­ler­de hä­zir­ki za­man pag­ta aras­sa­laý­jy kär­ha­na­la­ry gu­rul­ýar.

Ak­nur AK­LY­ÝE­WA,
S.A.Ny­ýa­zow adyn­da­ky Türk­men oba ho­ja­lyk uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА