Ispaniýanyň çempionaty La Ligada sanawyň lideri Real Madrid öz meýdançasynda Malýorkany 6-1 hasabynda ýeňdi. Madridlilere uly hasaply ýeňiş gazandyran gollary Karim Benzema (3), Marko Asensio (24, 29, 55) hem-de Isko (84) geçirdi. Fransiýaly hüjümçi geçiren bu goly bilen La Liganyň taryhyna öz adyny altyn harplar bilen ýazdyrdy. Bu gol onuň 200-nji goly bolup, Benzema La Ligada 200 gol geçiren 10-njy futbolçy hökmünde hasaba alyndy. Şu möwsümde 6 oýunda 8 gol geçirip, 7 asist eden Benzema Realyň 21 golunyň 15-sine gönümel goşant goşdy. 33 ýaşyndaky futbolçy Real Madrid köýnekçesi bilen La Ligada 200 gol geçiren 4-nji futbolçy bolup, ondan öň Ronaldo, Raul hem-de Di Stefano muny başarypdy.
