Germaniýanyň çempionaty Bundesligada soňky 8 ýylyň çempiony, sanawyň ýeňlişsiz lideri Bawariýa öz meýdançasynda utuldy. Münhenliler öz meýdançasynda Aýntraht bilen duşuşdy. 29-njy minutda Goreska bilen öňe saýlanan Bawariýa 32-nji minutda Hintereggeriň, 83-nji minutda-da Kostiçiň gollaryna çäre tapyp bilmedi. Şunlukda, Bawariýa şu möwsümde, şol sanda Nagelsmanyň tälimçiliginde ilkinji ýola ýeňlişe sezewar boldy. Bawariýa Bundesligada 10 oýundan soň utulyp, olar soňky gezek aprel aýynda Maýnzdan ýeňlipdiler. Şeýle-de Bawariýa çempionatda soňky 22 aýda öz meýdançasynda ilkinji gezek ýeňildi.
Myhmançylykda Arminiýany 4-0 hasabynda ýeňen Baýer topary Bawariýa bilen utugyny deňleşdirdi (16). Duşuşykda Patrik Şik 2 gol geçirdi. Indiki tapgyrda, 17-nji oktýabrda Bawariýa myhmançylykda Baýer bilen duşuşar.
Holannsyz meýdança çykan Borussiýa Dortmund öz meýdançasynda Augsburgy 2-1 hasabynda ýeňdi. Dortmundlylara ýeňiş getiren gollary Gerreýro bilen Brandt derwezä girizdi.
Leipsig hem Andre Silwa we Nkunkunyň (2) gollary bilen Bohumy 3-0 utdy.
