Italiýaly meşhur tälimçi Klaudio Ranieri 4-nji gezek Premier Liga dolandy. 20-nji oktýabrda 70 ýaşyna gadam basjak ussat tälimçi Angliýanyň Watford toparynyň tälimçisi boldy. Ol ispaniýaly Hisko Munýeziň ornuna bu wezipä bellendi. Ranieri täze kluby bilen 2 ýyllyk şertnama baglaşdy. Italiýaly işewür Jino Pozzonyň eýeçiligindäki Watford häzirki wagtda 7 oýunda 7 utuk toplap, 14-nji orunda barýar. Ranieri mundan öň Angliýada Çelsi (2000-04), Lester Siti (2015-17) hem-de Fulham (2018-19) toparlaryna tälim beripdi. Ol 2015/16 möwsüminde Lester Sitä asyryň çempionlygy hökmünde görülýän Premier Liganyň çempionlygyny gazandyrypdy. Ranieri geçen möwsüm Serie A-da Sampdoriýa toparyna tälim beripdi.
