Angliýanyň çempionatynda 9-njy tapgyrda London derbisinde West Ham öz meýdançasynda Tottenhamy 1-0 hasabynda ýeňdi. Duşuşygyň ýeke-täk goluny 72-nji minutda Antonio derwezä girizdi. Bu Tottenhamyň şu möwsümdäki 4-nji ýeňlişi bolup, demirgazyk londonlylar paýtagtyň wekilleri bilen geçiren 4 duşuşygynda utuldy. Möwsüme 1 golly 3 ýeňiş bilen başlan Nuno Espirito Santonyň şägirtleri yzly-yzyna 3 oýunda London şäheriniň wekillerinden 3 golly hasaplar bilen utuldy. Ýagny Kristal Palasdan we öz meýdançasynda Çelsiden 3-0, şeýle-de Arsenaldan 3-1 asgyn geldi. Ondan soň Aston Willany 2-1, Nýukasly-da 3-2 hasaplar bilen ýeňen 9-njy tapgyrda ýene-de Londonyň başga bir wekili West Hamdan 1-0 utuldi. 9 duşuşygyň 5-sinde ýeňiş gazanyp, 4-sinde şäherdeşlerinden utulan Tottenham 15 utuk bilen 6-njy ýerde barýar.
