Germaniýanyň Bawariýa sebitiniň Eging-am-Ze şäherinde Bütindünýä Sakgal we murt çempionaty geçirildi. Çekeleşikli geçen ýaryşda dünýäniň dürli ýurtlaryndan gelen 100 adam özara bäsleşdiler. Sakgal olimpiadasy ilkinji gezek 1990-njy ýylda geçirildi. Bu ýylky bäsleşik Gündogar Bawariýa sakgal we murt kluby tarapyndan guraldy. Ussat delleklerden ybarat bolan ýedi sany emin agzasy “murt, bölek sakgal we doly sakgal” atly üç ugurda jemi 18 kategoriýada gatnaşyjylara baha berdiler.
Kategoriýalaryň arasynda “Doly sakgal erkin äheňi” iň abraýly baýrak hasaplanýar. Bu Olimpiada iki ýyldan bir gezek geçirilýär. Mundan soňky ýaryş 2023-nji ýylyň fewralynda Täze Zelandiýanyň Oklend şäherinde geçiriler.
