UEFA Çempionlar Ligasynda “B” toparçada Liwerpul öz meýdançasynda Atletikony 2-0 ýeňdi. Gollary 13-nji minutda Žota, 21-nji minutda-da Mane geçirdi. Duşuşygyň 36-njy minutynda Atletikonyň goragçysy Filipe gyzyl kart aldy. 2-0 hasabynda ýeňiş gazanyp, utugyny 12-ä çykaran Liwerpul wagtyndan öň 1/8 finala çykmagy başardy. 25 oýundan bäri ýeňilmän gelýän (18 ýeňiş, 7 deňlik) Liwerpul bu ugurda öz rekordyny gaýtalady. Liwerpul soňky gezek 1982-nji ýylda yzly-yzyna 25 oýunda ýeňilmändi.
Toparçadaky beýleki oýunda-da Milan öz meýdançasynda Porto bilen 1-1 deňme-deň oýnap, utuklary paýlaşdy.
