Futbol boýunça 2023-nji ýylda Awstraliýa we Täze Zelandiýada geçiriljek zenanlaryň arasyndaky 9-njy FIFA Dünýä Kubogyny saýlama tapgyry dowam edýär. Saýlama tapgyrynyň çäginde esasan hem Ýewropa zolagynda uly ýeňişli netijeler hasaba alynýar. Şolaryň birinde “F” toparçada Belgiýanyň zenanlar ýydyndysy Ermenistanyň ýygyndysyny 19-0 hasabynda ýeňlişe sezewar etdi. Duşuşykda gollaryň Wullaert 5, Tysiak bilen De Kaininiň hersi 3, Eurlings, Teulings, Keýman 2, Wiýnants bilenem Wanhawermaet 1 gol geçirdi. Toparçada Norwegiýanyň ýygyndysy myhmançylykda Albaniýany 7-0 utdy.
Şeýle-de “B” toparçada Ispaniýanyň zenanlary Farer adalary 12-0, “D” toparçada Demirgazyk Irlandiýanyň ýygyndysy myhmançylykda Demirgazyk Makedoniýany 11-0, Angliýa myhmançylykda Latwiýany 1-0 hasaplar bilen ýeňdi.
