ABŞ-nyň Prinston hem-de Waşington uniwersitetleriniň hünärmenleri duz bölejigi ýaly kamera işläp taýýarladylar. Aşa kiçi bolan bu kamera özünden 500 müň esse uly bolan kameralar ýaly reňkli we dury şekilleri alyp bilýär.
Bu optik enjam aşa kiçi robotlarda ulanylyp bilner. Ony lukmançylykda hem ulanyp bolar. Ethan Seng hem-de onuň kärdeşleri tarapyndan döredilen kamera şekilleri ýagtylygyň hereketine “öýkünip” ýazga alýar. Kamera tebigy ýagtylykda hem gowy netije berýär.
