Italiýanyň Triest şäheriniň golaýyndaky Peskator obasynda “Bruno” atly dinozawrlar sürüsiniň galyndylarynyň üsti açyldy. Açyş Bolonýa uniwersitetiniň alymlary tarapyndan amala aşyryldy. Bu açyş barada “Scientific Reports” žurnalynda ylmy makala çap edildi. Bolonýa uniwersiteti bu ýerde 80 million ýyl ozal “Tethyshadros insularis” atly dinozawrlaryň ýaşap geçendigini habar berdi. Şeýle hem bu gazuw-agtaryş işleriniň geçirilen ýerinde diňe dinozawrlaryň däl, eýsem balyk, krokodil, deňiz süýrenijileriniň we kiçijik gabykly jandarlaryň galyndylaryna hem duş gelindi.
Maksat TAGANOW,
Magtymguly adyndaky Türkmen döwlet uniwersitetiniň talyby.
