Meşhur italýan suratkeşi Sandro Bottiçelliniň “The Man of Sorrows” atly kartinasy geljek aý satuwa çykarylar. Londondaky “Sotheby’s” auksion öýi arkaly satuwa hödürlenjek suratyň 40 million ýewro satylmagyna garaşylýar. Taryhy eser 1963-nji ýylda auksion arkaly 12 müň ýewrodan hem az pula satylypdyr. Bilermenleriň çaklamasy dogry çyksa, kartina alnan bahasyndan 4 müň esse gymmada satylar. Bu kartina 60 ýyla golaý wagtdan bäri hususy kolleksiýada saklanýar. Eseriň XV asyryň ahyrynda ýa-da XVI asyryň başynda çekilendigi çaklanylýar. Kartina 1963-nji ýyldan bäri auksiona çykarylmandyr. Bottiçelliniň “Weneranyň doguşy” atly meşhur eserinde dürli reňkler ulanylyp, ony görende uly täsir galdyrýar.
Bottiçelliniň başga bir suraty şu ýylyň ýanwarynda 92 million dollara satylyp, 2021-nji ýylda auksion arkaly satylan iň gymmat surat bolupdy.
Arzuwmyrat Tejenow,
S.A.Nyýazow adyndaky Türkmen oba hojalyk uniwersitetiniň talyby.
