Beýik Britaniýanyň Roýston şäheriniň golaýyndaky fermada Milli atly 13 ýaşly gyzjagaz takmynan 3 müň 300 ýyllykdygy çaklanylýan palta we beýleki taryhy galyndylary tapdy. Gyz kakasy bilen bilelikde demir detektoryň kömegi bilen ýeriň aşagyndaky zatlary gözläpdir. Ilkinji tapyndydan soň beýleki gözlegçiler hem olara goşuldy. Bir-birinden uzak bolmadyk ýerden 65 sany ok, palta we 200-e golaý beýleki artefaktlar tapyldy. Tapyndylar hünärmenleriň öwrenmegi üçin muzeýe iberildi.
