Italiýanyň milli statistika edarasy (ISTAT) ýurtda çaga dugluşynyň 160 ýylyň iň pes derejesine düşendigini mälim etdi. Maglumatlara görä, çaga dogulyşynyň azalmagy 12 ýyldan bäri dowam edýär. Geçen ýyl 404 müň 892 bäbek dünýä inipdir. Bu görkezijiniň ozalky ýyldakydan 15 müň 192 sany azdygy mälim edildi. Bu ýylyň ýanwar-sentýabr aýlaryny öz içine alýan wagtlaýyn maglumatlara görä, ýurtda geçen ýylyň degişli döwründen 12 müň 500 sany bäbegiň az doglandygy mälim edildi. Häzirki wagtda ýurduň ilaty 59,3 million töweregi.
Ýurtda ýaşaýan her bir zenana ortaça 1,24 bäbek düşýär. Bu görkeziji ýurduň demirgazygyndaky Bolsano şäherinde has ýokary 1,62, iň pes görkeziji Sardiniýa adasynda hasaba alnypdyr -0,94. 2020-nji ýylda italýan aýallary ilkinji bäbegini ortaça 31,4 ýaşynda eline alypdyr. Bu görkeziji 1995-nji ýyldakydan 3 ýyl köp.
Statistika edarasy bäbekleriň atlary barada hem maglumat ýaýratdy. 2020-nji ýylda oglanlara degişlilikde, Leonardo, Françesko we Alessandro atlary has köp dakylypdyr. Gyzlara bolsa, Sofiýa, Gýuliýa we Aurora atlary dakylypdyr.
