Hal­ka­ra ho­wa men­zil­le­ri ge­ňe­şi (ACI) 2021-nji ýyl­da üs­ta­şyr gat­naw­la­ryň has köp ama­la aşy­ryl­ýan ho­wa men­zil­le­ri­niň sa­na­wy­ny ýaý­rat­dy. Sa­naw­da ABŞ-nyň Dal­las-Fort Wort hal­ka­ra ho­wa men­zi­li bi­rin­ji or­ny eýe­le­ýär. Te­has şta­tyn­da­ky Dal­las şä­he­rin­den 24 ki­lo­metr, Fort Wort şä­he­rin­den 29 ki­lo­metr daş­lyk­da ýer­leş­ýän bu ho­wa men­zi­lin­den bir ýyl­da 42 müň 640 üs­ta­şyr gat­naw ama­la aşy­ry­lyp­dyr. 1973-nji ýyl­da açy­lan ho­wa men­zi­li ýo­lag­çy­la­ryň sa­ny, uçuş we go­nuş ba­bat­da dün­ýä­de üçün­ji ýer­de dur­ýar.
Ikin­ji or­ny Den­wer hal­ka­ra ho­wa men­zi­li eýe­le­ýär. ABŞ-nyň Ko­lo­ra­do şta­tyn­da­ky ho­wa men­zi­li­ne bir ýyl­da 35 müň­den gow­rak uçar düş­läp­dir. Ho­wa men­zi­li ýo­lag­çy­la­ra hö­dür­le­ýän ýo­ka­ry hil­li hyz­ma­ty üçin hä­zi­re çen­li bir­nä­çe baý­ra­ga my­na­syp bol­dy.
Ger­ma­ni­ýa­nyň esa­sy söw­da we se­na­gat şä­he­ri bo­lan Frank­fur­tyň hal­ka­ra ho­wa men­zi­li üçün­ji orun­da. Bu sa­na­wyň 2019-njy ýyl­da­ky­syn­da bi­rin­ji ýe­ri eýe­län ho­wa men­zi­li­niň iş­jeň­li­gi pan­de­mi­ýa döw­rün­de bir­ne­me pe­se ga­çan hem bol­sa, il­kin­ji üç­lü­ge gir­me­gi ba­şa­ryp­dyr. Ho­wa men­zi­lin­de üs­ta­şyr ýo­lag­çy­la­ryň uça­ry­na ga­raş­ýan wag­ty­ny ne­ti­je­li peý­da­lan­mak­la­ry üçin bir­nä­çe müm­kin­çi­lik dö­re­di­lip­dir. Bu ýer­de ir­kil­mek we dür­li oýun­la­ra güý­men­mek hem müm­kin. 2021-nji ýyl­da 25 müň­den gow­rak üs­ta­şyr gat­na­wy ama­la aşyr­ýan uçar bu ho­wa men­zi­li­ne go­nup­dyr.


ABŞ-nyň Je­or­ji­ýa şta­ty­nyň esa­sy şä­he­rin­dä­ki Harts­fild-Jek­son At­lan­ta ho­wa men­zi­li­ne 23 müň 822 üs­ta­şyr uçar go­nup­dyr. At­lan­ta şä­he­ri­niň hal­ka­ra ho­wa men­zi­li hyz­mat ed­ýän ýo­lag­çy­la­ry­nyň sa­ny ba­bat­da dün­ýä­de bi­rin­ji­li­gi eýe­le­ýär. 2019-njy ýyl­da 110,5 mil­li­on ýo­lag­çy bu ho­wa men­zi­lin­den ge­çip­dir.
De­ňiz de­re­je­sin­den iň pes­de ýer­leş­ýän Ams­ter­da­myň Ship­hol ho­wa men­zi­li sa­naw­da bä­şin­ji ýe­ri eýe­le­ýär. Ni­der­land­la­ryň paý­tag­tyn­da­ky ho­wa men­zi­li 23 müň 277 üs­ta­şyr uça­ra hyz­mat edip­dir. Ho­wa men­zi­li­niň çä­gin­de dür­li güý­men­je des­ga­la­ry, ýo­ka­ry teh­no­lo­gi­ýa­ly en­jam­lar bi­len üp­jün edi­len zal­lar bar.
Sa­naw­da al­tyn­jy or­ny Stam­bu­lyň 2019-njy ýyl­da hyz­ma­ta hö­dür­le­nen tä­ze ho­wa men­zi­li eýe­le­di. Bu ho­wa men­zi­li­ne 23 müň 229 üs­ta­şyr uçar go­nup­dyr.
ABŞ-nyň Il­li­noýs şta­tyn­da­ky O’Ha­ra hal­ka­ra ho­wa men­zi­li pan­de­mi­ýa­dan ozal uçar gat­naw­la­ry­nyň sa­ny ba­bat­da bi­rin­ji or­ny eýe­le­ýär­di. Pan­de­mi­ýa döw­rün­de bu ýer­dä­ki gat­naw 50 gö­te­ri­me go­laý aza­lyp­dyr. Ho­wa men­zi­lin­den şu ýy­lyň ba­şyn­dan bä­ri 17 müň 800 üs­ta­şyr gat­naw ama­la aşy­ry­lyp, bu ugur­da dün­ýä­de ýe­din­ji bo­lup­dyr.
ABŞ-nyň De­mir­ga­zyk Ka­ro­li­na şta­tyn­da­ky Şar­lot Dug­las hal­ka­ra ho­wa men­zi­lin­de 17 müň 706 üs­ta­şyr gat­naw ama­la aşy­ry­lyp­dyr.

Gyzykly bolup bilerЕЩЕ ОТ АВТОРА