Gyrgyzystanyň Issyk-Kul sebitindäki Karakol şäheri 2022-nji ýylda GDA-nyň medeni paýtagty bolar. Şäher bu derejäni Täjigistanyň paýtagty Duşanbe şäherinden kabul etdi.
Gyrgyzystanyň Daşary işler ministrliginiň habaryna görä, “Duşanbe – GDA-nyň medeni paýtagty – 2021”-iň ýapylyş dabarasy we estafetanyň 2022-nji ýylda Karakol şäherine gowşurylyş dabarasy S.Aýni adyndaky Täjigistan döwlet akademiki opera we balet teatrynda geçirildi.
Çäräniň dowamynda GDA-nyň ýerine ýetiriji komitetiň başlygynyň orunbasary Beketjan Jumahanow we Duşanbe şäheriniň häkiminiň orunbasary Amirhon Kurbonzoda dabaraly ýagdaýda Karakol şäherine bu derejäni gowşurdy.
Medeni paýtagtlar taslamasynyň maksady dialogy ösdürmek we Arkalaşyk ýurtlarynyň medeni mümkinçiliklerini birleşdirmekden ybaratdyr.
