Eýranyň Mazenderan welaýatynyň oba hojalygy edarasynyň bagbançylyk boýunça müdiri Hadi Izadi, Täze ýyl baýramçylygynda Eýranyň demirgazygyndaky Mazenderan welaýatyndan goňşy ýurtlara, esasan hem, Türkmenistana we Russiýa kiwi, mandarin we apelsin ýaly üç güýz miwesiniň eksportynyň barha artýandygyny IRNA habarlar gullugyna mälim etdi.
– Oktýabr aýyndan bäri welaýatdan her gün ortaça 15 tonnalyk sitrus miweleriniň konteýnerleri daşary ýurtlara eksport edilen bolsa, Täze ýyl baýramçylygynyň öňüsyrasynda bu görkeziji 20-25 konteýnere çenli artdy – diýip, Hadi Izadi belledi.
Hadi Izadi noýabr aýynyň ahyrynda mandarindir apelsin eksportunyň günde 20 konteýnerden 10 konteýnere çenli azalandygyny, ýöne, soňky günler Mazendaran miwelerine bolan islegiň has ýokarlanandygyny sözüniň üstüne goşdy.
