Türkmenistanyň Kubogy ugrundaky ýaryşyň finalynda “Şagadam” bilen “Ahal” toparlary duşuşdy. Türkmenbaşy şäherinde oýnalan finalda ýeňijini bir gol kesgitledi. Şol arzyly goly hem 22-nji minutda Mekan Aşyrow öz adyna ýazdyrdy. Şeýlelikde, “Şagadam” topary taryhynda 2-nji gezek Türkmenistanyň Kubogyna mynasyp boldy. Kenarýaka şäheriniň topary mundan ozal 2007-nji ýylda kubogy eýeläpdiler. Şondan “Şagadam” goşmaça wagtda “Merwden” 1-0 üstün çykypdy. “Şagadam” 2002-nji ýylda, 2015-nji we 2017-nji ýyllarda finalda, degişlilikde “Garagum”, “Altyn asyr” hem-de “Ahal” toparlaryndan ýeňlipdi.
Çempionatda-da ikinji ýeri eýelän “Ahal” Kubogyň finalynda ikinji gezek ýeňlişe sezewar boldy. 2013-nji, 2014-nji we 2017-nji ýyllarda kubogy asmana göteren “Ahal” 2019-njy ýylda finalda “Altyn asyrdan” asgyn gelipdi.
