ABŞ-ly astronomlar planetalary gaýtadan kesgitlemek isleýär. Has täsin ýeri alymlaryň teklibi kabul edilse, planetalaryň sany 150-den geçer. Astronomlar kosmos giňişliginde hereket edýän geologik taýdan garyşyk jisim planeta hasap edilmegini teklip edýär. Barlag toparynyň agzasy Fillip Metzger “NBC News” teleýaýlymyna beren beýanatynda bu kesgitlemäniň netijesinde Gün sistemasyna Pluton bilen bir hatarda ýene-de 150 planetanyň goşuljakdygyny aýdýar. Astronomlar asman jisiminiň planeta hasaplanmagy üçin öz orbitasyny “arassalan” bolmalydygy şertini aýyrmak isleýär. Planetany kesgitlemekde ulanylýan bu ölçeg Gün ulgamyndaky hemralaryň, asteroidleriň planeta statusyny gazanmagyna päsgelçilik berýär.
2006-njy ýyla çenli Gün ulgamynda 9 planeta bar diýlip hasap edilýärdi. Emma şol ýyl Halkara Astronomiýa Geňeşi Günden iň uzakda ýerleşýän Plutony planeta bolmakdan çykardy.
Häzirki wagtda Gün sistemasynda jemi 8 planetanyň bardygy, ähli planetalaryň açylandygy, mälim bolmadyk başga planetanyň ýokdugy hasap edilýär.
2019-njy ýylda NASA-nyň ozalky ýolbaşçysy Jim Bridenstin Plutonyň gaýtadan planeta kabul edilmegini teklip edipdi.
