Germaniýanyň çempionaty Bundesligada 2-nji aýlawyň ilkinji duşuşygynda sanawyň lideri Bawariýa öz meýdançasynda Borussiýa M topary bilen duşuşdy. Pandemiýa uçran futbolçylarynyň köpdügi zerarly käbir oýunçysy meýdança çykyp bilmedi. Muňa garamazdan Bawariýa ilkinji bolup hasaby açdy. Bu goly 18-nji minutda Robert Lewandowski geçirdi. Şeýlelikde, täze ýylyň hem ilkinji goluny geçiren Bawariýa topary Bundesligada yzly-yzyna 65 duşuşykda gol geçirdi. Tomaşaçysyz we garyly howada oýnalan duşuşykda myhmanlaryň gollaryny 27-nji minutda Noýhaus bilen 31-nji minutda Laýner derwezä girizdi. Ikinji ýarymda derwezä urlan gol bolman duşuşyk 2-1 hasabynda Borussiýa M toparynyň peýdasyna tamamlandy. Şunlukda, Borussiýa M topary Bawariýany Bundesligada iň köp ýeňen klub boldy. Olar güýçli garşydaşyny 27-nji gezek ýeňip, Werderiň 26 oýunlyk rekordyny täzeledi.
