Serial ugry boýunça iň gowy drama serialy diýlip, HBO-nyň önümi bolan “Mirasdüşerler” (Succession) atly ekran eseri öňe saýlandy. Serialyň artistlerinden Jeremi Strong iň gowy aktýor baýragy bilen sylaglandy. Serialyň başga bir artisti Sara Snuk bolsa ikinji plandaky iň gowy aktrisa baýragyna mynasyp boldy. Şeýle-de, “Duruş” (Pose) serialynyň ýyldyzy Mj Rodriges drama seriallarynyň iň gowy aktrisa diýlip saýlandy.
Iň gowy komediýa ýa-da mýuzikal serialy diýlen ugurda baýragy “Hacks” serial baýraga laýyk görüldi. Serialda baş keşbi janlandyrýan Jin Smart iň gowy aktrisa diýlen ugurda heýkeljigi gazanmagy başardy. Komediýa ýa-da mýuzikal seriallarynyň iň gowy aktýory hökmünde “Ted Lasso” serialynyň ýyldyzy Jeýson Sudeiks ykrar edildi.
Gysga göwrümli seriallaryň hem-de telefilmleriň arasynda-da “Ýerasty dermiýoly” (The Underground Railroad) atly ekran eseri “Altyn globus” baýragynyň eýesi boldy. Bu ugurda Maýkl Kiton (Dopesick) iň gowy aktýor, Keýt Winslet (Mare of Easttown) iň gowy aktrisa diýlip saýlandy. Dünýäde uly meşhurlyk gazanan “Squid Game” serialynyň artistlerinden O Ýon Su ikinji plandaky iň gowy aktýor baýragyny gazandy. Ol “Altyn globusa” mynasyp bolan ilkinji koreýaly artist hökmünde hasaba alyndy.
