Ýewropa Parlamentiniň başlygy Dawid-Mariýa Sassoli 65 ýaşynyň içinde Italiýada aradan çykdy. Bu barada syýasatçynyň metbugat sekretary Roberto Kuillo mälim etdi.
-Dawid Sassoli 11-nji ýanwarda Moskwa wagty bilen 03:15-de aradan çykdy” diýip, Kuilo aýtdy. Ýewropa Parlamentiniň başlygy immun ulgamyndaky näsazlyklar sebäpli Italiýanyň Awiano şäherindäki keselhana ýerleşdirilipdi.
Sosialist Dawid-Mariýa Sassoli 2019-njy ýylyň iýul aýynda Ýewropa Parlamentiniň başlyklygyna saýlandy. Ol bu wezipä Antonio Taýaniniň ýerine gelipdi. Florensiýada doglan Dawid Sassoli hünäri boýunça žurnalist bolup, soňra Ýewropa Parlamentinde 10 ýyl işledi. Ol Florensiýa uniwersitetiniň syýasat fakultetini tamamlady.
