To­ty ba­ly­gy

To­ty ba­lyk­la­ry­nyň tog­sa­na go­laý gör­nü­şi bol­ýar. Bu to­pa­ryň iň uly gör­nü­şi Hin­di we Ýu­waş um­ma­nyn­da ýa­şa­ýar. Olar mer­jen rif­le­rin­de, ke­na­ra go­laý ýer­ler­de we su­wo­tu­la­ryň bar ýe­rin­de duş gel­ýär­ler. Bu ba­ly­gyň uly gör­nüş­le­ri­niň uzyn­ly­gy 30–50 san­ti­metr, ki­çi­le­ri­niň­ki bol­sa 13 san­ti­met­re ba­ra­bar­dyr. Onuň ady tum­şu­gy­nyň şe­ki­li bi­len bag­ly­dyr. Ba­ly­gyň ag­zyn­da iki sa­ny to­tyň­ky ýa­ly çüňk bo­lup, bu su­wo­ty­ny iý­mä­ge kö­mek ed­ýär. Bu jan­da­ryň esa­sy aý­ra­tyn­ly­gy mer­jen rif­le­ri­ni aras­sa­la­mak­dan yba­rat­dyr. Adat­ça açyk reňk­li bol­ýan bu jan­dar­lar mer­jen rif­le­ri­ne ze­per ýe­tir­ýän ot­la­ry, ow­nuk daş­la­ry iý­ýär­ler. Şeý­le­lik­de, de­ňiz ekoul­ga­my üçin äh­mi­ýet­li bo­lan mer­jen­le­riň ka­da­ly ös­me­gi­ne ýar­dam ed­ýär­ler. Şeý­le-de bol­sa, ola­ryň kä­bir gör­nü­şi moll­ýusk­lar we ýyr­ty­jy jan­dar­lar bi­len iý­mit­len­ýär­ler. Bu ba­lyk­la­ryň ýe­ne bir tä­sin ta­ra­py uk­la­maz­dan ozal da­şy­ny pi­le bi­len ört­me­gi­dir. Ba­ly­gyň ag­zyn­dan çyk­ýan bu ör­tük tu­tuş be­de­ni­ni gur­şap al­ýar. Şeý­le­lik­de, ýyr­ty­jy jan­dar­lar bu ba­ly­gyň ysy­ny alyp bil­me­ýärler. Şeý­le hem bu ör­tük dür­li mugt­hor­lar­dan hem go­ra­ýar.
To­ty ba­lyk­la­ry­nyň reň­ki her ýyl üýt­ge­ýär. Il­ki­baş­da gy­zyl, go­ňur ýa-da çal reňk­de bol­ýar, ulal­dy­gy­ça açyk gül­gü­ne, mä­mi­şi, sa­ry, açyk ýa­şyl ýa-da gök bol­ýar­lar. Olar ýu­murt­ga­lar ar­ka­ly kö­pel­ýär­ler. To­ty ba­lyk­la­ry hä­zir­ki wagt­da seý­rek duş gel­ýän jan­dar bo­lup, olary go­ra­mak we kö­pelt­mek ba­bat­da bir­nä­çe iş­ler al­nyp ba­ryl­ýar. Mu­nuň üçin su­wo­tu­lar kö­pel­dil­ýär. Şeý­le hem ony aw­la­mak çäk­len­di­ri­len­dir.