Birnäçe ýyldan bäri dünýäniň iň uly bazary bolan Hytaýda köp satylan smartfonlaryň sanawy mälim edildi. Bu ýurtda ýerli brend bolan “Vivo” iň köp satylan smartfon modeli bolupdyr. “Counterpoint” şereketiniň maglumatlaryna görä, bu brend hytaý bazarynda birinjiligini saklap, bazaryň 22 göterimini eýeläpdir. Ozalky ýylda bu görkeziji 21 göterim bolan eken. Ýylyň dowamyndaky satylan telefonlar hasaba alnanda degişlilikde OPPO, “Apple”, “Xiaomi”, “Honor” we “Huawei” ilkinji orunlary eýeläpdir.
Ýylyň soňky çärýeginde bolsa “Apple” birinji orna çykypdyr. Bu döwürde kompaniýa hytaý bazarynyň 23 göterimini eýeläpdir. 2020-nji ýylda bu görkeziji 16 göterim bolan eken. Bu döwürde “Vivo” 19 göterim, OPPO 17 göterim, “Honor” 15 göterim, “Xiaomi” 13 göterim we “Huawei” 7 göterim bazar paýyna eýe bolupdyr.
