Ispaniýanyň Barselona topary ozalky futbolçylaryny yzyna çagyrmagyny dowam edýär. Topar Dani Alwesden soň gysga wagtlyk çykyş eden futbolçysy Adam Traoreni Wulwerhemptondan transfer etdi. Katalonlar asly Maliden bolan ispan futbolçy bilen möwsümiň ahyryna çenli kärendesine şertnama baglaşdy. Oýunçy şowly çykyş eden ýagdaýynda Barselona ony tomusda 30 million ýewro berip, ymykly transfer hem edip biler. Barselonanyň ýaşlar düzüminde kemala gelen 26 ýaşyndaky Traore 2015-nji ýylda Aston Willa transfer bolupdy. Traore 2016-18-nji ýyllar aralygynda Middlsbroda çykyş edip, 2018-nji ýylda-da 18 million funt sterlinge Wulwerhempton transfer boldy. Ispaniýanyň ýygyndysynda 8 oýun geçiren Traore Wulwerhemptonyň düzüminde 154 gezek meýdança çykdy. Traore Barselonada oýnan ýyllarynda 4 oýunda 1 gol geçiripdi.
