Niderland hüjümçisi Wout Weghorst şu gyşky transfer möwsüminde Germaniýanyň Wolfsburg toparyndan Angliýanyň Býornli toparyna transfer boldy. Onuň haýsy kluba transfer boljagyny COVID 19 sanjymynyň düzgünleri ýagny pandemiýa düzgünleri kesgitledi. Has takygy, nemes metbugatynda çykan habarlara görä, 29 ýaşynda hüjümçi sanjym almadyk we häzirlikçe almagy hem göz öňünde tutanok. Şol sebäpli bu ugurda hiç hili gytaklyga ýol bermeýän Germaniýada oýunçy ozalky topary Wolfsburg bilen ýygy-ýygydan garşy-garşa galmaly bolýardy. Şol sebäpli Weghorst transfer möwsüminiň soňky günlerinde toparyň degişli ýolbaşçylary bilen maslahat geçirip, täze klubuň gözlegine çykdy. Şeýlelikde, häzirki wagtda Angliýada futbolçylarynyň sanjym bolup-bolmandygyna o diýen üns bermeýän az sanly toparlaryň biri bolan Býornli onuň nobatdaky duralgasyna öwrüldi. Býornli Weghorstyň transferi üçin nemes klubuna 12 million töweregi sunt sterling tölär. Weghorts Wolfsburgda şu möwsümde 24 oýunda 7 gol geçirdi.
