UEFA Ýewropa Ligasynda 1/8 finala çykjak 8 topary kesgitleýän pleý-off tapgyryň birinji oýunlary oýnaldy. Bir-birinden çekeleşikli we gyzykly geçen oýunlaryň iň esasynda Barselona bilen Napoli duşuşdy. Merhum Maradonanyň iki klubunyň arasyndaky duşuşykda ýeňiş gazanan bolmady. 29-njy minutda Zielinski bilen öňe geçen Napoliniň derwezesinden deňlik goluny 59-njy minutda Ferran Torres geçirdi. Şeýle-de Borussiýa Dortmund öz meýdançasynda Reýnjersden 4-2 asgyn gelip, ýaryşy dowam etmek mümkinçiligini azaltdy. 5 goluň geçirilen oýnunda Zenit öz meýdançasynda Betisden 3-2 utuldy. Çempionlar Ligasynda uly gowur turuzan Moldowanyň Şerif topary Bragany 2-0 hasabynda ýeňip, 1/8 finalçy bolmak ugrunda bir ädim öňe saýlandy.
UEFA Ýewropa Ligasynda pleý-off tapgyrynyň birinji duşuşyklarynyň netijeleri:
Sewilýa – Dinamo Zagreb: 3-1 (Rakitiç 13 p, Okampos 44, Marsial 45+1 – Orşiç 41)
Atalanta – Olimpiakos: 2-1 (Džimsiti 61, 63 – Soares 16)
RB Leipsig – R. Sosiedad: 2-2 (Nkunku 30, Forsberg 82 p – Le Normand 8, Oýarzabal 64 p)
Barselona – Napoli: 1-1 (Ferran Torres 59 p – Zielinski 29)
Zenit – Betis: 2-3 (Dzýuba 25, Malkolm 28 – Rodriges 8, Willian Hose 18, Guardado 41)
Borussiýa D – Reýnjers: 2-4 (Bellingham 51, Gerreýro 82 – Tawernier 38 p, Morelos 41, Lundstram 49, Zagadu 54 ö.d.)
Şerif – Braga: 2-0 (Till 43 p, Traore 83)
Porto – Lasio: 3-1 (Martines 37, 49 – Zakkani 23)
