Ispaniýanyň çempionaty La Ligada soňky 5 duşuşygynda 4-nji ýeňşini gazanan Wilýarreal öz meýdançasynda Espanýoldan 5-1 üstün çykdy. Duşuşykda toparyň 4 goluny geçiren Ýeremi Pino çempionatyň hem-de klubuň taryhyna girdi. 19 ýaşyndaky (19 ýaş 130 gün) ispaniýaly ýarymgoragçy duşuşygyň 14-nji, 20-nji, 45-nji hem-de 53-nji minutlarynda ýagny 39 minutda 4 gol geçirdi. Ol bir duşuşykda 4 gol geçiren ilkinji wilýarreally futbolçy boldy. 4 urgy geçirip, 4-sinde hem derwezäni sarsmagy başaran Pino La Liganyň taryhynda 4 gol geçiren iň ýaş 4-nji futbolçy hökmünde hasaba alyndy. Ondan öňde 1930-njy ýylda Hose Iraragorri (17 ýaş 344 gün), 1929-njy ýylda Haýme Laskano (19 ýaş 42 gün) hem-de 2015-nji ýylda 4 gol geçiren Santi Mina (19 ýaş 125 gün) dagy bar. Ol La Ligada birinji ýarymda 3 gol geçiren iň ýaş ikinji futbolçy hökmünde-de taryha girdi.
