Angliýanyň çempionaty Premier Ligada tapgyryň merkezi duşuşygynda, Mançester derbisiniň sanawyň lideri Mançester Siti köne garşydaşy Mançester Ýunaýtedden 4-1 üstün çykdy. Kewin De Bruýne hem-de Riýad Mahreziň hersiniň 2 goly bilen ýeňiş gazanan Mançester Siti çempionlyk ýolundaky kyn duralgalarynyň birini säwliksiz geçdi. Soňky 2 möwsümde öz meýdançasynda Mançester Ýunaýtedden utulan Siti” häzirki wagtda bir oýny kem Liwerpuldan 6 utuk öňde barýar. Şol nukdaýnazardan olaryň ikisiniň arasyndaky 10-njy aprelde geçiriljek duşuşygyň ähmiýeti has-da artyp başlady.
Angliýanyň çempionatynda Liwerpul öz meýdançasynda kynçylyk çekse-de, West Hamy Sadio Maneniň ýeke-täk goly bilen 1-0 hasabynda ýeňdi. Çelsi myhmançylykda Býornliden 4-0 üstün çykdy. Watfordy myhmançylykda 3-2 ýeňen Arsenal 4-nji orna beýgeldi.
