UEFA Çempionlar Ligasynda şu gün hem-de ertir gije 1/8 finalyň 4 duşuşygynyň jogap oýunlary geçiriler. Şu gijeki oýunlarda Liwerpul öz meýdançasynda Inter bilen duşuşar. Italiýadan ýeňiş (2-0) bilen dolanan Liwerpulyň öz meýdançasynda duşuşygynda ispaniýaly Antonio Mateu Lahoz eminlik eder.
Beýleki duşuşykda-da Bawariýa öz meýdançasynda RB Salsburg bilen duşuşar. Birinji oýunda Bawariýa 90-njy minutda Kingsli Komanyň goly bilen hasaby deňläp, ýeňlişden halas bolupdy. Duşuşykda fransiýaly Klemen Turpen jürlewük çalar.
Duşuşyklaryň ikisi hem 01:00-da başlar.
