UEFA Ýewropa Ligasynda 1/8 finalyň 1-nji duşuşyklary oýnaldy. Tapgyryň iň köp ünsi çeken duşuşygynda Barselona öz meýdançasynda Galatasaraý bilen duşuşdy. Çekeleşikli geçen oýunda hasap açylmady. Mundan öňki pleý-off tapgyrynda-da Galatasaraý öz meýdançasynda Napoli bilen 1-1 deňme-deň oýnap, myhmançylykda 4-2 hasabynda ýeňipdi.
Şeýle-de Atalanta öz meýdançasynda Baýeri 3-2 hasabynda ýeňlişe sezewar etdi. Duşuşykda ýeňiş gazanan toparyň gollarynyň Luis Murieliň pasyndan soň Ruslan Malinowski (23) hem-de Malinowskiniň paslaryndan soň Muriel (25, 49) geçirdi. Baýeriň adyndan bolsa Arangis bilen Diabi tapawutlandy.
Kubogy iň eýelän Sewilýa Ispaniýada West Hamdan Muniriň ýeke-täk goly bilen 1-0 üstün çykdy. Braga topary-da oýnuň başynda hem soňunda geçiren gollary esasynda Monakony 2-0 utdy. Ýaryşda şowly çykyş edýän Reýnjers öz meýdançasynda Srwena Zwezda toparyny 3-0 utup, çärýek finalyň bosagasyndan ilkinji ädimi ätdi. Şotland klubunyň gollaryny Tawernier (11 p), Morelos (15) hem-de Balogun (51) derwezä girizdi. Jogap oýunlary 17-nji martda oýnalar.
