Polşada iş alyp barýan “LG Chem” kompaniýasy bu ýurtda elektroulag batareýasyny öndürýän zawod gurmagy maksat edinýär. Ýewropa Bileleşigi bu önümçilik desgasynyň gurulmagyna 95 million ýewro pul serişdesini berer. Ýewropa Bileleşiginiň Komissiýasynyň beýanatynda bu goldawyň LG-niň Polşadaky batareýa önümçilik desgasynyň kämilleşdirilmegine goşant goşjakdygy, bu goldawyň bäsdeşlige zeper ýetirmejekdigi we sebitiň ösüşine goşant goşjakdygy bellenildi.
Koreýanyň LG kompaniýasy 2017-nji ýylda Polşada batareýa zawodyny gurmak üçin 1 milliard ýewro maýa goýum özleşdirjekdigini mälim edipdi.
Ýewropa Bileleşigine agza ýurtlarda diňe bäsdeşlige zeper ýetirmejek ýagdaýda maýa goýumlara goldaw berlip bilinýär.
Laçyn Kulyşowa,
Türkmen döwlet maliýe institutynyň talyby.
